IMPYERNO (La Divina Commedia #1) ni Dante Alighieri
isinalin sa Filipino ni Resty Ceña

“Isang pakikisalok sa mayamang bangan ng mga obrang klasika ang kasalukuyang salin. Ang mga kathang klasika ay naghahayag ng mga unibersal na damdamin at kaisipan, at may katuturan sa sangkatauhan nuon, ngayon, at habang mahalaga sa tao ang pagkatao. Layunin ng salin na ibahagi sa mga mambabasang Filipino sa salitang higit nilang naiintindihan ang yamang taglay ng Inferno, ang unang libro ng La Divina Commedia, ni Dante. Narito sa Commedia ang lahat ng mga dakilang tema sa literatura: pagnanasa, paghihiganti, pagsisisi, pagpapatawad at pagpuno ng kakulangan, galit at pag`ibig, katapatan at pagtataksil; ang pagkakaiba-iba ng mga tao, karupukan at panlilinlang at
pamiminsala sa sarili at sa iba; yaman at kapangyarihan, giyera at kapayapaan, ang pinsala ng obsesyon sa tao, sa lipunan at sa sibilisasyon; at kung paanong ang mundo’y maisasaayos; ambisyon ng dunong at kauhawan sa kaalaman....”

–mula sa Introduksyon